وطــــــــــــــن ومـــــــــــنفى ؟؟,,,’’

وطن ومنفى


أحبك ياوطن بيّه طفح كل كيل
ومااكَدر بعد حبّك بعد شخفي

وأذا عندك عتب تعتب لأن مرخوص
يمكن بس عتابك ناري يطفّي

وأذا قصدك هجرتك والله انه مجبور
لو تدري شفت چان عذرت ظرفي

شفت بعض البشر باعوك يابو الخير
من صاحوا مزاد انريدك نصفّي

وشفت تدري شفت مايخطر اعله البال
يذبحني الاخوا لو مد اله چفّي

وشفت دجله بچه حن وذكر بغداد
ورحل صاح وحده الأيد ما تكفي ... !!!

اعوفك والسبب عندك صبح معروف
وتطلبني تظل دينك فلا وفيّ

أحبك ياوطن من الألف للياء
يلحبك مرض ماله دوه يشفي

اتغرّب نعم ما أختلف ويّاك
بس كَلبي وعلي ايحسك بصفّي

ولجل بس خاطرك شاعر سهر ياحيف
كل ليله يدوّر عن وصف يكفي

لكيتك يا فجر تذبح سواد الليل
وكل هذه قليل بحقكم وصفي

واذا بالغ تظن يالسامع بهالصوت
خارطة الوطن راسم على چتفي ...!!!

وطن لتظن نسيتك لا ولا أنساك

أنسه حسين لو أنسه تظن طفّي ... ؟؟؟
أنسه حسين لو أنسه تظن طفّي ... ؟؟؟

منقووووووووووووووووووووول